Dataelektroniker

Vg3 dataelektronikarfaget handlar om å installere, drifte, halde ved like og reparere elektronisk utstyr, elektroniske installasjonar og infrastruktur. Vidare handlar faget om å utvikle sjølvstendige fagarbeidarar som kan møte behova for omstilling i arbeidslivet, og som dekkjer behovet samfunnet har for velfungerande elektronisk informasjons- og kommunikasjonssystem.

Alle fag skal bidra til å realisere verdigrunnlaget for opplæringa. Vg3 dataelektronikarfaget skal bidra til å utvikle yrkesidentitet, yrkesetikk og bransjetilhøyrsel. Faget skal òg bidra til samarbeid med andre uavhengig av kjønn og kultur, og til mangfald i bransjen. Vidare skal faget bidra til at fagarbeidaren gjennom kritisk tenking og refleksjon tek ansvarlege og etiske val i utøvinga av faget.